Kuerpo Polisial Aruba ta keda rekordá komunidat si bo a wak algu òf sa algu yama e tiplijn di polis ku ta 11141. Bo anonimidat ta keda garantisá.
1
Aruba a konosé su di 5 morto den tráfiko
ORANJESTAD – Aruba a registrá su di 5 morto di tráfiko awe mainta. Tabata 06:45 mainta ku sentral di polis a haña informashon di un aksidente serio ku a tuma lugá na altura di e loke anteriormente tabata Haver University na Santa Helenastraat.
Sentral di polis a manda patruya i ambulans mesora ku urgensia máksimo. Na yegada di e patruya di polis a konstatá ku un outo Toyota Corolla blanku a alkansá un peaton. E peaton a resultá gravemente herida i no tabata reakshonando, miéntras ku e shofùr a bandoná e sitio kombirtiendo e kaso den un “hit and run”.
Spesialistanan di tráfiko i polis tékniko a kuminsá mesora ku nan investigashon, tanten ku Slachtofferhulp ta brinda asistensia na e famia. Mas lat e shofùr ku tabata embolbí den e aksidente a entrega su mes na polis i a keda detené. Mesora a tèst e shofùr i lag’é supla riba e mashin di ‘alcosensor’.
Dr. Forensico Wemeijer a konstatá morto di Liris Aurelia Senior Barrios nase na Colombia dia 5 sèptèmber 1959. Manera indiká esaki a bira e di sinku morto den tráfiko.
Kuerpo Polisial Aruba ta keda rekordá komunidat si bo a wak algu òf sa algu yama e tiplijn di polis ku ta 11141. Bo anonimidat ta keda garantisá
