WILLEMSTAD— Korte Komun di Hustisia tin un presidente nobo den persona di mr. Sigmar Carmelia. E nombramentu ta bai drenta na vigor e dia ku e Dekreto Real (Koninklijk Besluit) keda firmá. Konseho di Minister di Reino a duna su aprobashon pa e nominashon aki, riba proposishon di e sekretario di estado pa Hustisia i Seguridat, Van Bruggen.

E presidente nobo, mr. Carmelia, ta miembro (supstituto) di Korte Komun for di 2014. Promé ku esaki, den kuadro di su formashon, e tabata hues suptituto, hues di kanton na korte di Gelderland, abogado i konsehero hurídiko na College voor de Rechten van de Mens.

Carmelia ta sigui mr. Mauritsz de Kort, kende a sirbi komo presidente di e Hof Komun te ku 4 di novèmber 2025. Mr. De Kort ta awendia gobernador di Curaçao. Di parti d Clarity Media, pabien, forsa i hopi sabiduria pa sigui hasi tremendo trabou.