Na okashon grandi unda Kòrsou su representantenan a risibí ofisialmente e sertifikado di Guiness World Record, komo e pais di mas chikitu na grandura i poblashon pa partisipá den mundial di futbòl, presidente di FFK Gilbert Martina a duna rekonosementu na su Jean Francisca komo e yu di Kòrsou ku a kuminsá e soño pa un dia Kòrsou por partisipá den Kopa Mundial.

Martina a splika e representantenan i mundu ku Kòrsou por tin un teritorio chikí i e kantidat di abitantenan tambe no ta muchu, sinembargo Kòrsou ta un pais ku hendenan ku ta soña grandi. P’esei e echo ku Guiness World Record a rekonosé Kòrsou ta algu grandi pa tur hende, pa kada mucha den bario ku ta skòp un bala den tera.