WILLEMSTAD— Korte di hustisia djabièrnè 12 di yüni 2026 a dikta sentensia den e kaso di e siudadano Comenencia, kende tin e edat 55 aña i ku dia 17 di mart a haña ku armanan di kandela den un kas situá den e bario Monte Verde.

Ta trata akí di e siguiente ophetonan ku outoridatnan a kapturá den poder di Comenencia, 1 revòlver marka Ruger, 1 revòlver marka Smith & Wesson, pistolnan ku preshon di gas, 1 arma pa yagt i e munishonnan korespondiente.

Remarkabel ta ku resientemente tabatin e oportunidat pa siudadanonan entregá armanan di kandela riba e base di boluntario i sin ningun konsekuensia di kastigu serka instansianan di hustisia, pero Comenencia no a hasi uzo di e chèns akí ku a presentá, pues e ta kastigabel awor ku a gar’é ku arma di kandela i munishon.

E abogado ku a hiba defensa na fabor di Comenencia tabata señora mr. Atena Sulvaran. E kaso akí por último tabata dia 5 di yüni 2026 pa tratamentu den sala di korte kaminda fiskal señora mr. V. Girigoria-Hernandez a demandá un kastigu di prizòn di 15 luna di kua 3 luna kondishonal, mará na un periodo di prueba di 3 aña.

Finalmente un total di 9 prosèsverbal a forma e base di e sentensia ku wes mr. W. Foppen a dikta, esta kastigu di prizòn di 15 luna di kua 5 luna kondishonal, mará na un periodo di prueba di 3 aña.

.