WILLEMSTAD – Tratando e problema di pobresa den Parlamento minister di SOAW ta bisa ku e dos puntonan mas importante pa kombatí pobresa ta Enseñansa i trabou. Sra. America-Francisca minister di Desaroyo Sosial, Labor i Bienestar (SOAW) a splika ku Enseñansa ta duna e hende konosementu i abilidat pa e por haña un mihó trabou, miéntras ku trabou ta sòru pa e hende por haña un entrada stabil. Pero hende mester haña e oportunidat pa yega na entrada. Kombatimentu di pobresa ta kompleho i nunka no por dependé di un ministerio so. Mester di ministerio di Enseñansa, MEO i VVRP respektivamente pa konosementu, trabou i bibienda.