WILLEMSTAD – Den e pais aki, 1 di kada 3 persona tin ku lucha pa sobrebibí. Ta hendenan ku mester hasi eskoho tur dia entre kuminda i transporte. Ta e hende grandi ku mester midi bon na kiko e ta gasta. Na palabra minister America-Francisca, minister di SOAW den Parlamento tratando ‘Ora di pregunta’ riba pobresa. E minister a sigui bisa ku situashon a deteriorá na 2023. Ademas, un persona por ta traha pero tòg no ta alkansá pa kubri su nesesidatnan. Riba papel e por ta mustra bon, pero den bida real e situashon ta diferente. Desempleo ta baha, pero pobresa ta krese. Trabou so no ta duna sufisiente protekshon kontra pobresa.