WILLEMSTAD – Parlamento a trata ora di pregunta riba petishon di frakshon di MAN-PIN den kua a puntra minister di SOAW dikon te ainda no a bini ku maneho pa atendé pobresa. Giselle McWilliam a referí na un karta di Ombudsman den kua ta indiká ku gobièrnu no a reakshoná riba su karta di mart 2026, tampoko te ainda no tin un maneho konkreto pa atendé ku diferente aspekto di pobresa for di 2022 manera asistensia di debe. Kòrsou ta enfrentando preshon mundial e.o di e situashon na Medio Oriente. Preis di awa, koriente i kombustibel a subi. McWilliam a hasi preguntanan na minister enkargá ku Desaroyo Sosial, Labor i Bienestar.