Kòrsou ta sigui e desaroyonan aki?

LONDON/WILLEMSTAD – Fransia ta realisando transishon di 2.5 mion aparatonan di gobièrnu di Microsoft Windows pa Linux i ta remplasá Microsoft Teams/Zoom ku solushonnan lokal. Ta un inisiativa di DINUM den 2026 ta impulsá esaki, anto huntu ku otro esfuersonan Oropeo, e tin komo meta pa sigurá soberania digital, mehorá seguridat di datonan, i redusí dependensia di provedornan di teknologia ekstranhero.

Kòrsou tin Blue NAP ku ta un 4-tier datacenter, un di esnan mas grandi i mihó ekipá den e region aki. Direktor di Blue NAP, Giovanni King resientemente durante di e konferensia di Caribbean Data Center Association a enfatisá riba e punto di soberania digital, pero ta parse ku nan no a hañando muchu atenshon.

E kambio no ta di Microsoft Windows so, pero tambe ta stòp di hasi uso di Zoom i Teams, pa bai hasi uso di sistemanan ku nan mes ta desaroyá. Sòldánan na Oustria ta hasiendo uso di otro sistemanan despues ku nan pais a stòp di usa Microsoft Office. Meskos ta pasando na Alemania, asina e agensia di notisia AP ta informá.

Aspektonan prinsipal di e desishon di Fransia pa kita for di Microsoft ta inkluí:

Migrashon masal: E plan ta afektá 2.5 mion “workstation” gubernamental, kambiando nan pa Linux.

Solushonnan soberano: E gobièrnu ta remplasá Microsoft Teams i Zoom ku hèrmènt di video konferensia “di nan mes”.

Preokupashon di seguridat: E kambio ta prinsipalmente impulsá pa miedu tokante seguridat di datonan i e nesesidat pa protehá informashon sensitivo kontra aktornan no-Oropeo.

Independensia digital: E meta ta pa establesé soberania digital nashonal i Oropeo, redusí dependensia di grandinan den teknologia na Merka.

Efisiensia di kosto: E kambio tin komo meta evitá “vendor lock-in” i baha gastunan relashoná ku lisensianan di propietario.