ARUBA: Gòlpi fuerte pa baho mundu

ORANJESTAD— Polis di Aruba ta informá ku djabièrnè mainta, Unidad di Crimen Organisa konhuntamente ku Recherche Samenwerkings Team (RST) a hasi un total di tres detenshon. Ta trata di dos hòmber Arubiano i un hòmber Hamaikino. E detenshonnan  ta relashoná cu un investigashon grandi di krímen organisá.

Durante oranan di mainta a tuma lugá dos entrada hudisial: e promé na un kas na Sero Patrishi y despues na un kas na Pos Chikito.

Durante di e entradanan hudisial a konfiská un kantidat grandi di droga i tambe plaka. E investigashon ta kontinuá i no ta deskartá cu por tin mas detenshon. Kuerpo Polisial Aruba ta hasi un apelashon na ken cu sa algu òf a mira algu pa yama e tiplijn di polis cu ta 11141. Bo ta keda anónimo.