Temblor na Repúblika Dominikana a kousa spantu

SANTO DOMINGO, REPUBLIKA DOMINIKANA— Un temblor di 5 grado a keda registrá na 52 kilometer, na zùit di e distrito Boca Yuma na Altagracia. Tabata mas o ménos 12’or di mèrdia momentu ku siudadanonan a sinti ku tera a kuminsá tembla na Repúblika Dominikana. Mesora a kuminsá ku evakuashon miéntras ku pániko a plama den hinter e pais. For di despues di e temblor na Venezuela dos dia pasá dominikanonan a kuminsá organisá diferente manera pa yena kònteinernan ku tur loke por ta nesesario pa yuda venesolanonan desampará.  E imágennan di e temblor na Venezuela a kousa hopi miedu serka dominikanonan.

Den vários área di e pais a sinti e temblor. Hopi a tuma medida di seguridat te kaminda ku esei a resultá posibel. Por sierto ku gobièrnu di Repúblika Dominikana a hasi un yamada pa no bai atendé ku mandamentu di e nesesidatnan pa hendenan na Venezuela, promé ku haña evaluashon ofisial kiko ta e situashon i kiko tin mester.