Aruba a konosé e di 8 morto den tráfiko

ORANJESTAD— Tráfiko insigur di Aruba a kosta un bida mas. Djaweps den oranan di mèrdia sentral di polis a haña notifikashon di un aksidente ku a tuma lugá entre un outo di famia i un motersaikel. E aksidente a tuma lugá riba e asina yama ‘green coridor’ den direkshon di e rotònde Pos Chiquito pa bai Oranjestad.

Segun informashon ku polis ta duna, e shofùr di e bròmer no tabata reakshoná mas i mesora a manda ambulans i patruya na e sitio. Na nan yegada bèrdat e patruya polisial a konfirmá ku e shofùr di e Suzuki Hayabusa no ta duna señal di bida mas i komo tal ambulans no por a hasi nada mas pe. Dòkter di polis a konstatá morto di Jeanemarc van der Biezen nase na Aruba 27 yanüari 1994 (32 aña di edat).