Southwest Airlines a inougurá buelo direkto Orlando-St.Maarten

PHILIPSBURG – E kompania di aviashon Southwest Airlines a aterisá un ratu pasá na airopuerto Prinses Juliana na St.Maarten. Di e forma aki a inougurá e ruta nobo, ku buelo direkto entre e airopuerto internashonal di Orlando, Florida ku St.Maarten.

Gobernantenan di e isla a risibí e buelo inougural ku hopi plaser komo ku esaki ta habri un porta interesante konsiderando ku Southwest ta e kompania di aviashon di mas grandi ku ta ofresé buelonan na tarifanan abou. Tur kos ta indiká ku e konekshon aki lo trese hopi turismo i oportunidatnan nobo.