ORANJESTAD – Djamars mainta pa 11:11 sentral di polis ta keda notifiká dor di AC ku un persona maskulino lo mester a hañ’é ku problema den lama  na Mangel Halto y no ta reakshonando.

Sentral di Polis ta despachá patruya di polis na e sitio.

Na yegada di polis por a komprondé ku un pareha Merikano lo tabata snòrkel y na dado momento e señora a riba ku su kasa no ta reakshonando. Di biaha e ta bati alarma y esnan ku tabata riba kayak den serkania a yuda trese e persona na tera. Esnan na kantu a kuminsá ku CPR.

Ambulans a presentá y a sigui ku CPR y a hasi nan máksimo esfuerso pero lamentablemente no por a hasi nada mas pa e turista.

Dòkter Voskuil ta konstatá morto di e turista maskulino di nashonalidat Merikano di 56 aña.

Slachtofferhulp a presente tambe na e sitio pa asina yuda y guia a famia den es momento difísil aki.