WASHINGTON – Presidente merikano Donald Trump un ratu pasá a kaba di anunsiá ku e ta den kombersashon ku lidernan di Pakistan esta e promé minister Shehbaz Sharif i Asim Munir, i basá riba e kombersashonnan ei e, e presidente merikano a bai di akuerdo ku e petishon pa no lansa e akshon di forsa destruktivo awe nochi i stòp bombardeo di Iran pa dos siman.
Mundu ta den un hansha formal despues ku presidente merikano Donald Trump a pone un deadline ku lo mester a finalisá awe, djamars anochi. Trump mes a post un informe den kua e ta indiká ku el a bai di akuerdo ku e petishon pa sigui bombardiá Iran pa un tempu definí. Tambe presidente Trump a anunsiá ku Iran a bisa ku nan lo habri e pasashi di Hormuz pa e mesun periodo. Segun Trump, esaki ta bira un akshon pa stòp bombardeo di ámbos banda. Motibu ta ku ya kaba Merka a alkansá i a surpasá e ophetivonan militar i ta bastante leu pa loke ta trata un akuerdo di pas ku Iran i pas na Medio Oriente. Trump a sigui bisa ku Merka a risibí un proposishon pa pas a largo plaso di 10 punto di Iran pa pas den Medio Oriente. Tin akuerdo entre Merka i Iran riba praktikamente tur e puntonan. Trump ta bisa ku ta un honor ku ta asina serka di yega na un solushon di e problema aki ku tin hopi tempu vigente.