Sindikato CBV ta preparando su miembronan pa reunion urgente djaluna mainta

WILLEMSTAD –E sindikato ku ta representá trahadónan den sektor di enfermeria, CBV, ta preparando su miembronan tur ku tin pa un reunion ku ta plania pa tuma lugá djaluna mainta 24 ougùstùs den Atrium di hospital CMC. Manera CBV mes ta indiká den diferente karta i post na miembronan; Nos huntu ta papia un palabra!

Manera Clarity a informá anteriormente tin un situashon di bastante preokupashon bou di e trahadónan di e instituto konsiderando ku e kontrato kolektivo ta hopi bieu. Mientrastantu tin hopi kambio den tur sentido di palabra. CBV a reuní dia 20 di ougùstùs último ku e titular di Salubridat ku ta Minister Boekhoudt i tambe ku gerensia di hospital. Tin pendiente, un posibel akshon masal den hospital. Esaki lo por tin su konsekuensianan pa otro institutonan tambe manera e sindikato mes ta trese dilanti. CBV ta enfatisá ku nan a hasi máksimo esfuerso pa evitá eskalashon di e situashon, konsiderando e funshon importante di hospital den e komunidat aki.

E punto krusial ta ku e último CAO ta data di 2009, pues ta 17 aña e trahadónan tin sin un CAO nobo. CBV ta yamando su miembronan pa asistí masalmente na e reunion djaluna mainta 8’or den Atrium di CMC.