WILLEMSTAD – Korte a dikta sentensia den e kaso di e siudadano di fam van der Veen, kende dia 21 di yanüari 2025 a kore outo ku un velosidat demasiado haltu riba Nijlweg pa kousa un aksidente ku morto komo konsekuensia. Van der Veen tabata kore un outo Chevrolet Malibu ku e plachi di number T 88-72, siendo e víktima tabata manehá un Mitsubishi Lancer, biniendo for di Frater Radulphusweg. Tratamentu di e kaso a tuma lugá dia 27 mei 2026 i tabata djarason 17 di yüni 2026 ku korte a dikta sentensia ku ta enserá un kastigu di trabou di 230 ora, mas un kurso di 10 ora bou di guia di Reclassering. Pa e periodo di 1 aña van der Veen ta pèrdè su reibeweis di kua 6 luna kondishonal mará na un periodo di prueba di 3 aña. Tin sumanan di daño i perwisio ku van der Veen mester paga na famianan di e defuntu na rason di Cg 16.212,70, mas Cg 10.472,05 mas Cg 4.508,47, mas Cg  532,84. Si van der Veen no paga e sumanan menshoná e lo por kai será den prizòn aya na Koraal Specht. Pa kada suma e veredikto ta menshoná kuantu dia di enkarselashon ta bini aserka.