Laga nos wak djis aki 5 aña mas leu. Kon nivel di bida lo ta? Preisnan di kuminda, situashon di bida, ken ta dominá e sirkunstansia di bida riba e teritorio akí? Den e trabounan ku lo tin pa ehersé den empresanan, e ambiente den nos skolnan, polítika i gobernashon? Nos playanan i e sitionan mas atraktivo riba e isla akí, ta den ken su man?

E presentimentu ta ku akí 5 aña Kòrsou ta kompletamente otro. Totalmente kambiá. Fuertemente tin un ola di outodistrukshon ku a tuma lugá sin papia muchu kos. Un Kòrsou ku poko di nos lo rekonosé. Un Kòrsou kaminda e kurasoleño na gran kantidat no ta dispuesto pa hisa su manga di kamisa i traha pa bai dilanti. Turismo mas ‘booming’ ku nunka pa ken? Gobernashon ta kapas pa solushoná e kosnan mas simpel ku por presentá? Nos ta kapas pa pone òrden den tráfiko. Nos lo sigui riba un isla di punta pa punta shushi i ahigieniko?  Mi ta zona pesimista i ku hopi miedu di nos futuro riba Kòrsou?

Erwin Raphaëla