Hopi but pa outomobilistanan

WILLEMSTAD – Bastante outomobilista a haña un ‘kayente’, esta un but despues ku nan a neglishá bòrchi di tráfiko i drenta un kaya direkshon prohibí. Esaki a tuma lugá djaluna último i tambe djarason. Kuerpo Polisial ta informá ku e tim enkargá ku violashonnan di e lei di tráfiko, a tene kontròl dirigí riba korementu den direkshon prohibí. E kontròlnan aki a konsentrá prinsipalmente na e krusada Topekaweg/Gosieweg. A repartí 27 prosès verbal pa kore den direkshon prohibí i tambe un kantidat di but a keda duná pa dokumentunan di vehíkulo ku no tabata na òrdu. A transportá dos vehíkulo pa Kurá. E kontròlnan aki ta kontinuá.