WILLEMSTAD – Na e momentunan aki trahadónan di ADC den Otrobanda ta den akshon, sinta pafó riba e plenchi di e edifisio. E diskushon lo ta trata e CAO nobo pa trahadónan di ADC. Presidente di CBV sra. Suares-Mathilda a bisa ku el a haña alrededor di 10x yamada di hospital CMC ku ta puntra kon nan ta hasi pasobra laboratorio ADC ta den akshon,

Mainta tempran e trahadónan di laboratorio nashonal ADC a disidí ku ta keda pafó di nan lugá di trabou, porsierto e edifisio nobo i bunita den Otrobanda.

Dirigentenan di e sindikato CBV a akudí na e sitio pa papia ku e trahadónan, pendiente pa nan hiba kombersashon ku gerensia di ADC.

Lider sindikal Suares-Mathilda a bisa ku ta basta tempu kaba e ta pidiendo atenshon pa situashon den salubridat. ‘Salubridat a bira ko’i hunga, pasobra durante di kuater aña no a pone atenshon na salubridat.