BLUE WAVE A TRESE ALEGRIA DEN CMC

WILLEMSTAD— Curaçao Medical Center ta informá, ku un orguyo na su lugá, ku algun di e hungadónan di nos selekshon di futbòl a bishita e instituto djamars 30 yuni 2026. Ta trata di nos hungadónan profeshonal Juriën Gaari, Jearl Margaritha, Kevin Felida i Sherel Floranus.

Tur hende den CMC, tur pashènt i spesialmente muchanan interná den hospital a gosa di por a mira i asta brasa algun di e hungadónan aki. Blue Wave a marka historia den CMC na momentu ku e muchanan, den nan malesa, por a hari i disfrutá ku algun di e futbolistanan aki.