Mashinnan di screening a detektá un posibel eksplosivo den un maleta

WILLEMSTAD – Curaçao International Airport Hato, pa medio di un informe ofisial ta splika ku konforme e proseduranan standard, pa atendé ku situashonnan di menasa di bòm, Gobièrnu di Curaçao, pa medio di Kordinadó Nashonal di Krísis i Kuerpo Polisial (KPC), a tuma kontròl di e situashon na Hato pa hasi e investigashonnan nesesario. Komo resultado di esei, a sera tur entrada i salida di airopuerto temporalmente. A evakuá e área di salida, i a dirigí tur pasahero pa warda afó.

Pa 11:53 di mainta, KPC a deklará ofisialmente ku e emergensia a keda resolvé i a duna lus bèrdè pa operashonnan normal sigui bou di CAP. For di e momento ei, airopuerto a habri di nobo pa entrada i salida, i operashonnan di avion a sigui.

Aerolíneanan afektá pa retraso ta inkluí Divi Divi Air, ZAir, Avianca, Global i Laser. A desviá e dos aerolínea, Copa i Winair pa Aruba i lo reanudá operashonnan pronto. American Airlines i JetBlue lo eksperensia retraso den habrimentu di bali.

CAP ta traha den estrecho kolaborashon ku aerolíneanan, imigrashon, screening di seguridat i otro partinan involukrá pa prosesá tur pasaheronan afektá lo mas lihé posibel i pa limitá mas interupshon.

CAP ta gradisí tur hende pa nan komprondementu i koperashon durante e situashon aki.