Sidney “Bicho” Justiana a huramentá komo minister plenipotensiario pa Kòrsou na Hulanda

WILLEMSTAD – Kòrsou tin un minister plenipotensiario nobo den persona di Sidney Justiana MBA. Pa mayoria e ta konosí komo ‘Bicho’. Justiana a presta huramentu djarason mainta dilanti su ekselensia gobernador suplente di Kòrsou. Justiana komo maestro di skol a desaroyá su mes i kombertí den un lider sindikal pa e sektor di enseñansa. Despues el a sigui den ICUC University komo dosente i despues el a bira direktor di Stichting Studiefinanciering Curaçao.

Den su promé palabranan Justiana a bisa ku su focus lo ta riba enseñansa i edukashon, asuntunan sosial i labor i finalmente ekonomia. El a enfatisá si ku Kas di Kòrsou no ta “sosial sake” pues no por buska sèn etc. Di parti Clarity Media, nos ta deseá sr.Justiana forsa den e reto nobo.

Gobièrnu di Kòrsou a nombra Justiana despues ku e anterior minister plenipotensiario Carlson Manuela a konfrontá problemanan basta serio na Kas di Kòrsou, ku asta lo tin investigashon tumando lugá. Ta diferente mandatario MFK, komo úniko partido den gobernashon, mester a kambia pa vários motibu. Banda di Manuel a tuma despedida di Javier Silvania i Kimberly Lew-jen-Tai. Imágennan danki na koleganan di EXTRA FB