WILLEMSTAD— Otro akusado ku no a presentá pa tratamentu di su kaso den korte djaluna 24 di aprel, ta di fam Pauletta, kende tin 53 aña di edat. Dia 8 di sèptèmber 2025 outoridatnan a gara Elizabeth ku 2634 gram di hasj, loke ta un akto kastigabel.

Aktualmente Pauletta ta na Ulanda i pa tal motibu ta su abogado señor mr. G. Hatzmann so tabata presente. Fiskal a bai di akuerdo pa laga tratamentu di e kaso tuma lugá riba un otro fecha. Wes señora mr. van Rijssen a disidí ku ta posponé tratamentu di e kaso pa un periodo no definí, e abogado tambe tabata di akuerdo.