WILLEMSTAD – Den transkurso di dia a drenta informashon i imágen di e momentu ku tim di aresto di polis a hasi detenshon di un persona riba kaminda grandi na altura di De Savaan. Segun informashonnan risibí, tim di aresto lo a sigui un vehíkulo i na dado momentu a blòkia esaki i arestá un hende hòmber ku tabata manehá un outo blanku. Siguiendo nan proseduranan, a tapa bista di e sospechoso i hink’é den vehíkulo di e tim, miéntras ku un di e polisnan a drenta bou di stür di e vehíkulo blanku i bai ku esaki.