Detenshon hòmbernan 16-19 aña pa ladronisia di outo

WILLEMSTAD— Kuerpo polisial ta informá ku a hasi detenshon relashoná ku ladronisia di outo. Ta trata di e investigashon ku polisnan a hasi relashoná ku un kaso di ladronisia di outo ku a tuma lugá den Telamonstraat, djárason 22 di yüli 2026 alrededor di 5’or di mainta. E tim ku ta investigá ladronisia di outo a hasi tres (3) detenshon. E personal di reshèrshi a tene kuater (4) entrada hudisial den Kaya Sakado, Kaya Chi ku Cha, Sudetenweg i Piscaderaweg. Na Sudetenweg a detené e hòmber L.D.S. di 19 aña di edat. Na Kaya Chi ku Cha a tuma lugá detenshon di e hòmber R.R.E. di 16 aña di edat. No a topa e hòmber M.M.L. di 17 aña di edat durante di e entradanan hudisial, pero despues el a keda entregá pa su tata mes na warda di reshèrshi. Tur e tres sospechosonan ta nasé na Kòrsou. A presentá nan dilanti di un fiskal ouksiliar ku a ordená nan enkarselamentu pendiente di mas investigashon.