Aqualectra: E situashon di koriente ta delikado awe

WILLEMSTAD— Aqualectra ta informá ku awe djamars e kompania no tin sufisiente kapasidat di mashin disponibel i nan baterianan no a haña espasio pa karga bèk despues di ayera nochi. Pa por mantené e kapasidat di suministro den balansa nan ta ‘schakel’ awor mainta aki.

Den kaso ku kondishonnan no kambia, esaki ta nifiká ku tin kliente ku lamentablemente lo pèrdè koriente mas ku un biaha den e skema di ‘schakel’.

E siguiente barionan ku por pèrdè koriente ta:

Rooi Catootje, Cas Cora, Jongbloed, Mahaai, Zuurzak, Bottelier, Weto, Klundert, Kwartje, Janboos, St. Thomas, Kent U Zelf, Oude Water.

E siguiente barionan ku ta bai haña koriente bèk:

Seru Fortuna, Muizenberg, St. Jacob, Suffisant, Rancho, Iland, Weis, Schelpwijk, Toni Kunchi, Labadera, Las Almas, Costa Firma, Barbouquet, Seru Molina, Scherpenheuvel.

Parti di: Dein, Kanga, Nieuwe Haven, Klein Kwartier, Seru Lora, Sta. Rosa.

Ora bo pèrdè koriente durante e proseso di ‘schakel’, bo kas ta keda un máksimo di 3 ora sin koriente.