WILLEMSTAD— Otro siudadano ku a violá lei di tráfiko durante e periodo di karnaval ta e siudadano di fam Americaan, kende dia 14 di febrüari a kore un vehíkulo ku e plachi di number R 15-26 na altura di Santa Katóliko na Roodeweg, pero no por a laga mira su reibeweis. Outoridatnan na Kòrsou atraves di Ministerio Públiko tur aña durante temporada di karnaval ta bini ku un kampaña fuerte pa limitá desgrasia i of mal komportashon riba kamindanan públiko. E akusado akí ta un persona ku klaramente a faya ku e reglanan vigente. Pa tal motibu korte a disidí ku Americaan ta haña un but di 300 florin.