COOPERSTOWN— E yu di Kòrsou, Andruw Jones, kende den añanan 90 a drenta Major League Baseball a pone famianan kompletu inkluyendo mamanan sinta ku plaser i orguyo pa wak Andruw hungando pa Atlanta Braves. Kisas hopi no tabata komprondé e wega di beisbòl i tur su reglanan, pero tabata un gran orguyo pa tur yu di Kòrsou di mira Andruw den akshon. Te ainda por skucha kon dirigentenan di beisbòl merikano ta ekspresá ora nan papia di Andruw. Den un seremonia bunita a yama Andruw bon bini den e salon di famia tan kodisiá. Huntu ku su mama, yunan i otro famia Andruw a risibí e renchi i e plakat ku su nòmber. Clarity Media ta pone dos parti di video, danki na Atlanta Braves, pa asina tur hende por sigui e momentunan bunita di e seremonia.

Andruw a yama danki na su mama i spesialmente su tata. Tambe el yama danki na tur yu di Kòrsou ku a dun’é sosten.