WILLEMSTAD— Minister Shalten Hato a publiká ku resientemente el a papia ku Logius. Esei ta e organisashon na Hulanda ku ta responsabel pa desaroyo i maneho di fasilidatnan digital genériko di gobièrnu manera DigiD, MijnOverheid i Berichtenbox. E fasilidatnan aki ta hasi posibel pa siudadanonan regla nan asuntunan ku gobièrnu di un manera sigur i fásil, kompletamente digital.

E minister ta indiká ku pa Kòrsou, esaki ta un tarea importante. Gabinete Pisas 3 tambe ta trahando na un gobièrnu moderno kaminda, den futuro, siudadanonan lo por haña akseso na servisio di gobièrnu i nan informashon personal di gobièrnu pa medio di un identidat digital sigur, ku un vershon di Kòrsou di DigiD i MijnOverheid.

Esaki ta forma un fundeshi importante pa nos “Samenlevingsloket” i pa un gobièrnu ku ta mas aksesibel, mas efisiente i mas sentrá riba e siudadano.  Interkambio di konosementu ku partnernan manera Logius ta yuda gobièrnu realisá e ambishon aki, paso a paso.