Lider NLS Shurendy Q. ekstraditá pa Kòrsou

 WILLEMSTAD – Korte Supremo di Emiratonan Árabe Uni a aprobá ekstradishon di S.A.Q., un di e lidernan di e organisashon kriminal No Limit Soldiers (NLS) pa Kòrsou. Entretantu Shurendy Quant (S.A.Q.), a keda ekstraditá pa Kòrsou. Kòrsou dia 11 di sèptèmber 2024 a entregá serka outoridatnan di Emiratonan Árabe Uni un petishon pa ekstradishon. E prosedura di ekstradishon a dura largu pa motibu ku S.A.Q., a disidí di bringa e ekstradishon hurídikamente. Ku esaki e parti prinsipal di e investigashon THEMIS ku ta andando, a keda konkluí. Investigashon THEMIS ta un investigashon di un organisashon kriminal ku supuestamente ta involukrá den provoká o kometé asesinato, trafikashon di droga na gran eskala i labamentu di plaka tantu na Kòrsou komo na Sint Maarten. Den investigashon THEMIS diferente sospechoso a wòrdu kondená. E investigashon ta andando i no ta ekskluí mas detenshon.