WILLEMSTAD— Den sala di korte e siudadano Y. Martis (32 aña di edat) mester a presentá djaluna 25 di mei pa delitunan kometé den tráfiko. Ta den kuadro di e akshon di Ministerio Públiko, ‘Aktua robes i sintié un bes’, durante temporada di karnaval 2026.

E persona ariba menshoná dia 13 di febrüari 2026 a manehá un bròmer ku e plachi di number BF 10-46 na altura di weg naar Welgelegen sin un hèlm na kabes, tampoko e no por a entregá e pruebanan na outoridatnan ku e vehíkulo ta sigurá. Na okashon di tratamenrtu di e kaso akí den sala di korte ni e akusado, ni un abogado no tabata presente pa responsabilisá pa e akto kastigabel kometé. Wes señora mr. H. R. Bracht i señora mr. T. Keller na nòmber di Ministerio Públiko a para ketu na e suseso akí i a konkluí finalmente ku ta duna Martis un but total di 660 florin, pa ámbos delitu.