WILLEMSTAD.- Minister Cooper enkargá ku finansa a anunsiá ku tur instansia ku ta haña supsidio di gobièrnu, ta duna 1000 florin na kada persona ku ta traha den e institutonan aki i kompanianan anónimo di gobièrnu. Tambe a bisa na mei último a bisa ku esnan ku ta gana bou di sierto suma, ta haña un kompensashon. Gobièrnu a disidí ku ta prolongá e kompensashon ei te ku desèmber.

Cooper a sigui splika ku e bon notisia ta pasobra a wak e espasio finansiero di pais i esei ta bon i sólido. P’esei te ku desèmber 2026 ta sigui duna sosten na shofùr di bus i otronan ku ta haña e kompensashon. Ta wak kon bon a kobra impuesto pa duna bèk.

Mas bon notisia! Esnan ku ta kore outo/vehíkulo diesel i ta paga 1149 florin pa number di outo ni maske kon bieu e outo ta, nan tambe ta haña bon notisia. Tur vehíkulo priva, manera outo i pikòp di famia pa uso priva ta bai paga mesun suma pa nan number di outo, meskos ku ta paga pa gasolin. Mester bai Parlamento si pa pidi sosten di Parlamento pa esei. Pendiente kambio di lei ta baha impuesto di number di outo diesel, pa vehíkulo priva. Pa outo nobo di gasolin ta paga 394 florin. Na yanüari 2027 e ta bira meskos pa vehíkulo diesel priva. E no ta konta pa katapila i otro vehíkulonan ku ta hasi negoshi.

Finalmente minister Cooper a bisa ku ta bai introdusí bèk e aftrek pa mantenshon di kas. Ántes por a dedusí máksimo di 3000 florin pa aña na belasting pa mantenshon di kas. Algun aña pasá a eliminá esaki. Gabinete Pisas III ta introdusí esaki bek. Awor e ta bira 5000 florin ku por dedusí for di belasting pa aña pa hasi mantenshon di kas.