Te ku fin febrüari a kambia alrededor 385 mion di NAF pa XCG

WILLEMSTAD – Banko Sentral di Kòrsou i St.Maarten ta informá ku awor si e fecha a yega den sentido ku entrante mayan, 1 aprel 2026 por kambia plaka di papel i moneda di florin antiano (NAf) solamente na CBCS. Kambio na bankonan komersial no ta posibel mas for di e fecha akí.

Públiko por kambia NAf na CBCS te ku 31 di mart 2055. Dia 31 di mart 2025 a introdusí e florin karibense ofisialmente den e union monetario di Kòrsou i Sint Maarten. Desde e dia ei,
siudadano- i negoshinan gradualmente a pasa di NAf pa e moneda nobo.

Te ku fin di febrüari 2026, a kambia un total di mas o ménos 385.9 mion (aproksimadamente
77%) di e biyete- i monedanan NAf ku tabata den sirkulashon na 31 di mart 2025. CBCS ta
ekspresá su apresio pa tur instansia i persona ku a kontribuí na un proseso di transishon
efisiente. Un danki speshal ta bai pa e bankonan komersial ku a hunga un ròl krusial den e
proseso di kambio. Personanan ku ta bishitá CBCS na Kòrsou pa promé biaha i ke kambiá un
suma bou di Cg 20.000 por hasi esaki sin sita di djabièrnè te ku djaluna entre 8.00 i 12.00 di
mèrdia. Tur otro kliente nos ta pidi pa por fabor traha un sita promé via www.centralbank.cw/exchange-request.

Transakshon di kambio na CBCS na Sint Maarten ta solamente posibel ku un sita via di e-mail: cashdepartment-sxm@centralbank.sx. Pa por kambia mas ku 20.000 florin, tin kondishonnan adishonal. CBCS su prosedimentunan di kambio ta duna informashon detayá riba esaki i ta disponibel riba nos wèpsait: https://www.caribbean-guilder.com/exchange-procedure.