WILLEMSTAD – Den un elekshon ku a tuma lugá djamars anochi, miembronan di partido MFK a elegí Ramon Yung, aktualmente parlamentario i miembro di primera ora di e organisashon, komo e presidente nobo. Di e forma aki Yung ta remplasá Sithree van Heydoorn ku a sirbi komo presidente di MFK pa último añanan.

E direktiva nobo di e partido polítiko ta konsistí ademas di Juniel Carolina, Fergino Bronwbill, Rigoletto Thode, Mercee Doran i Sandy Losiabaar. E personanan ku tabata den e kontienda pa haña aprobashon di miembronan komo presidente tabata Javier Silvania, Ramon Yung i Eduard Braam. Silvania ta e persona ku a logra mas tantu voto den último elekshon, riba lista di MFK.