WILLEMSTAD –Parlamento di Kòrsou ta deliberando ku premier Pisas, den un reunion públiko, e situashon na Kas di Kòrsou. Kontestando preguntanan sr. Pisas a bisa ku gabinete Pisas no tei pa tuma represaya kontra di trahadónan, pero si ta tuma medida pa no ripití kosnan ku a bai robes. Tambe promé minister a bisa ku tin un direktor ku no a haña su pago miéntras ku e no bai di akuerdo ku retiro.

Tabatin diferente pregunta na gobièrnu den sentido si ta tuma represaya kontra di e trahadónan di Kas di Kòrsou despues ku nan a basha abou loke tabata pasando. Pisas a bisa ku su gabinete tin e responsabilidat si pa sòru pa kos kana bon. Semper lo trata trahadónan ku rèspèt. 

Parlamentario Girigorie a pidi promé minister pa konfirmá si akaso e solushon ku tin riba mesa ta enserá ku ta wanta pago di salario di trahadó te ora e aseptá su retiro.

Pisas a bisa ku solushon por ta positivo, pero e por ta negativo tambe!