WILLEMSTAD— Suavemente bisá, un mucha hòmber di orígen venezolano ya ta un problema serio pa esnan den su alrededor. E tin e fam Pierre Faurestal, ta nasé na Venezuela ku apénas 24 aña di edat i ta komo sifuera el a bin ta pone ladronisia padilanti den su bida. Kuater kaso di ladronisia e mucha homber aki tin riba su nòmber siendo un humado di mariwana, siendo mentalmente e no ta bon.

Pa kuminsá dia 23 pa 29 di yanüari 2026, el a kibra drenta den e skol ku yama SKAIH den Emmastad (Beatrixlaan), kaminda el a hòrta mangel, buskuchi, bebida, chips i chuculati. Ta trata akí di propiedatnan di e señora ku ta manehá kantina di e skol.

Dia 4 di aprel 2024 el a hasi un intento pa hòrta den e misa na Santo Domingoweg (Buena Vista). Pero pastor di e misa a reis riba Pierre Faurestal, hañé ta hòrta.

E di tres biaha ku el a kibra drenta lugá di hende tabata na Sentro di Bario Buena Vista i esaki a sosode den e anochi di 7 pa 8 di mart 2024, aki el a bai ku un trapi di aluminium, 1 kaha di karto ku ta kontene pananan seguanda mano. Awendia mayoria kaminda tin hekwerk pone dilanti bentana i of portanan, pero tog Pierre Faurestal t logra drenta luga di e hendenan.

Dia 29 di desèmber 2025 e mucha hòmber akí, ku klaramente tin problemanan mental, tabata na Kolegio Alejandro Paula (KAP), kaminda el a fòrsa drenta kantina. Akí un di e kolaboradornan di e skol a mir’é. Algun di e sitionan ariba menshoná ku tabatin kámara instalá a registr’é di manera ku por a rekonosé, hasiendo malu.

Pierre Faurestal no ta kompletamente bon na kabes, di esei por a tuma nota durante di su komportashon den sala di korte. Fiskal a menshoná ku akí ta trata di un firstoffender pa kende a sigui un demanda di 15 luna di prizòn ku 6 luna kondishonal, kitando e periodo ku el a pasa den aresto preventivo i ku trato spesial di parti di Klinika Capriles.

Abogado mr. Zahedi a suprayá ku akí ta papia di un siudadano ku ta sufri di un malesa i ku meresé trato médiko i intervenshon profeshonal. Pero un problema serio ta ku Pierre Faurestal no tin pèrmit di estadia, esei ke men ku mester hasi algu na e prosedura ei tambe, sino SVB no por atendé.