WILLEMSTAD – Den mayoria kaso ta durante maniobranan straño den tráfiko riba kaminda públiko di parti di shofùrnan di vehíkulonan partikular, ta loke mas ta yama atenshon di polis. Una bes riba kaya si e komportashon apnormal sosodé i polis tuma nota di dje, polis ta buska na sa e motibu.

Ta presis loke a sosodé den e kaso di e duo Jamanika (27 aña) i Thomasa (31 aña) dia 1 di febrüari 2026. E dos siudadanonan aki tabata den outo koriendo, pero asina nan a mira outo di polis, nan a kuminsá aktua hopi sospechoso. E outo ku e duo sintá aden, a baha su velosidat i kuminsá kore, poko, poko. Polis a para e outo i a tuma nota ku tabatin un saku di hasj den e outo. Thomasa a atmití ku ta e ta e doño di e droga. Ta trata aki di 515 gram di mariwana. Pero, despues djei a bai listra na kas di Thomasa i asina ei a reis riba 520 gram di droga mas den su dormitorio, esaki tabata na un kas situá den e bario Kirindongo Abou, kaminda tabatin plantashon di mariwana ta tuma lugá. Segun Thomasa su deklarashon na outoridatnan, ta droga pa uzo propio.

Djaluna 4 di mei tabatin tratamentu di e kaso aki den sala di korte, kaminda solamente abogado mr. H.M.M Alejandra na nòmber di e duo tabata presente. E sospechoso Jamanika tin un karchi di kastigu na Ulanda, pero den e kaso aki no por proba ku Jamanika ta metí den ningun transakshon di droga. Jamanika a ninga redondamente ku e sa algu di e droga. Thomasa en kambio a aseptá i hasta polisnan a bin sa di e droga na su kas (den dormitorio) i ku plantashon na su kas. En total ta trata di e kantidat di 1035 gram di hennep (mariwana). Fiskal señora mr. K. Hara a demandá un kastigu di prizòn pa Thomasa i wes señora mr. van Rijssen a bai di akuerdo ku un kastigu di prizòn di 12 luna di kua 8 luna kondishonal pa Thomasa, anto e kastigu aki ta mará na un periodo di prueba di 3 aña.