Update: Yunan di Kòrsou na Colombia registrá online

Update: Yunan di Kòrsou na Colombia registrá online

Gobièrnu di Kòrsou a emití un informe den kua ta hasi apelashon na tur yu di Kòrsou ku aktualmente ta na Colombia i ku a sinti efektonan di e temblor na e.o Medellin i Bogota pa registrá online na embahada di Reino via https://informatieservice.nederlandwereldwijd.nl

Den kaso di un situashon di emergensia por drenta den kontakto ku embahada di Reino via WhatsApp +31 857 737 400

Dos temblor a sakudí Colombia

COLOMBIA— Vários persona a resultá heridá i diferente edifisio a kai riba e djaluna aki den e siudat kolombiano Quibdó, kapital di departamento di Chocó, situá na kosta di Pasífiko. Esaki ta konsekuensia di e temblor ku un magnitut di 7,4 ku a sakudí gran parti di e pais.

E temblor, ku a sosodé pa 7:34 di mainta, ora lokal (12:34 GMT), tabatin su episentro den lokalidat di San José del Palmar, na Chocó, na un profundidat di 82 kilometer, segun Servisio Geológiko Colombiano (SGC).

“Nos a kaba di pasa den un evento sísmiko grave den departamento di Chocó. Ounke e episentro tabata San José del Palmar, na kapital Quibdó tin personanan heridá i edifisionan ku daño grave,” gobernadó di Chocó, Nubia Carolina Córdoba, a bisa riba su kuenta di X.

Imágennan publiká riba retnan sosial ta mustra vários edifisio ku a kai kompletamente òf parsialmente, den diferente bario di Quibdó, miéntras ku hende ta kore den pániko.

E gobernadó a agregá ku e ta “evaluando e dañonan pa por publiká e promé rapòrt ofisial” tokante di e temblor. E movementu sísmiko tambe a kousa daño grave den otro siudatnan den wèst i sentro di e pais, manera Cali, Manizales, Pereira i Medellín, ku ta e siudatnan mas serka di e episentro. Chocó ta un di e departamentonan mas pober di Colombia i no tin sufisiente rekurso pa atendé un emergensia di e magnitut aki.

E alkalde a duna algun tep. Kiko bo mester hasi durante un temblor?

Despues di un temblor, Servisio Geológiko Colombiano ta rekomendá pa keda kalmu i sigui e siguiente konsehonan:

Buska protekshon mesora.

Si bo ta den un edifisio ku ta resistente kontra temblor, para serka di kolòmnan òf skonde bou di un mesa di ofisina. Keda leu for di bentana i ophetonan ku por kai.

Si bo ta den un konstrukshon informal, sali ku kuidou i presta atenshon na posibel peligernan durante e evakuashon.

No usa lift pa sali di e edifisio.

No para den kozein di porta, pasobra esakinan no ta lugánan sigur i por kibra òf kai.

https://www.facebook.com/reel/1763107671604803 El Tiempo