ARUBA: DI 11 MORTO DEN TRAFIKO 

ORANJESTAD – Djadumingu mardugá pa 00:02 sentral di polis ta keda notifiká di un aksidente ku bròmer riba e kaminda di Westpunt. Promé informe na polis ta ku e shofùr di un manera òf otro a dal den piedranan (baranka) banda di kaminda y no ta reakshoná. Sentral di polis ta despachá patruya y ambulans na e sitio.

Na yegada di e promé patruya ta topa ku e shofùr di e bròmer ku a aksidentá i no tabata reakshonando. Ambulans a duna asistensia médiko na e shofùr maskulino pero lamentablemente no por a hasi nada mas pe. Dòkter di polis a konstatá morto di e mucha hòmber Noah Ian Hietbrink nase na Aruba dia 10 novèmber 2008 (17 aña). Palabranan di kondolensia na famia di e defuntu.