Aksidente fatal riba Caracasbaaiweg

WILLEMSTAD –Mas tempran riba e djaluna aki 5 di òktober, alrededor di 18.27’or, Sentral di Polis a risibí diferente yamada di un aksidente grave ku a tuma lugá na e krusada di

Caracasbaaiweg i Kaya Damasco. Na yegada di e promé unidat, a topa un aksidente entre dos vehíkulo, ámbos SUV. Shofùr di un di e vehíkulonan tabata gravemente heridá i ya no tabata duna señal di bida. E dos otro okupantenan di e mesun vehíkulo aki tabata heridá i a keda

transportá ku ambulans pa Sala di Emergensia di C.M.C. Shofùr di e otro vehíkulo, no a sufri herida di gravedat.

Dòkter di polis ku a yega na e sitio, a konstatá morto di e shofùr. For di investigashon preliminar a sali na kla ku un di e vehíkulonan tabata kore riba Caracasbaaiweg den direkshon di Caracasbaai. Yegando na altura di Kaya Damasco, un vehíkulo a sali sin ku e shofùr a

tuma nota ku e outo riba Caracasbaaiweg tabata aserkando. Ku e dalmentu komo konsekuensia. Debí ku ainda no a identifiká e víktima, no por publiká su identidat. Personal di tráfiko ta kontinuá ku e investigashon.