WILLEMSTAD— A pasa dos aña kaba ku titular di hustisia a reuní ku kriadónan di bestia i e tempu ei a pone tur stakeholder na mesa, inkluso presidente di Korte, kende awendia ta nos gobernador. Nada no a pasa nunka mas, mientrastantu kriadónan di bestia si ta keda pèrdè nan bestianan na man di ladronnan.

Kriadónan ta mal fadá ku e situashon aki i ta pidi atenshon di hinter komunidat i sigur dirigentenan di e pais aki. Den parlamento tin vários eks minister, vários eks polis ku konosé e situashonnan bon i no papia mes di e echo ku tin sufisiente hurista/abogado ku konosé leinan bon. Ki ora por mira inisiativa di tur e representantenan di pueblo aki pa atendé kambio di lei di manera ku Ministerio Públiko tin leinan adekuá pa traha kuné. Sino bin kambio, OM ta keda konsiderá ladronisia di bestia komo “kruimeldiefstal”, loke ta nifiká ku den dos dia e ladron ta liber atrobe. Imágennan di Televishon Direct