Merkado di petroli ta sigui desaroyonan guera hopi di serka

NEW YORK (ANP) – E preisnan di zeta a baha drástikamente djaluna último, despues di komentario di e presidente merikano Donald Trump, tokante Iran. Segun Trump, Merka ta pone un pousa riba e atakenan kontra instalashonnan di energia na Iran pa e próksimo sinku dianan, sperando riba e kombersashonnan ku ta kanando ku Iran.

Algun ratu despues ku e notisia aki a sali, e preisnan di zeta a kai ku mas o ménos 10%.

E kaida rápido ta mustra kon fuerte e merkado di zeta ta sigui e desaroyonan rondó di e guera den Medio Oriente. Mas tempran e mesun dia, e preisnan di zeta tabata subi ainda. Agensia di notisia Bloomberg a reportá na un momento ku e preis a kai ku 14%. Un ratu despues, e kaida a baha atrobe, promé te 10% i algun minüt despues tabata solamente un bahada di mas o ménos 8%.

Tambe e preis di gas na Oropa a baha bastante despues di e notisia. Riba e merkado prinsipal di gas na Amsterdam, e preis a kai ku kasi 5 euro te mas o ménos 55 euro pa megawatt-ora. Pero tambe aki e preisnan ta varia hopi. Tantu pa zeta komo pa gas ta konta ku e preisnan a subi bastante den e último tempunan. E preisnan ainda ta konsiderablemente mas haltu ku promé ku e atakenan di Merka i Israel riba Iran na fin di luna pasa.