Medidanan ta kontribuí na suministro di koriente mas stabil i konfiabel
Investigashon di RAC ta mustra mehorashon den suministro di koriente
WILLEMSTAD – Un investigashon independiente di Regulatory Authority of Curaçao (RAC), ku sosten di ENGIE/Laborelec, ta mustra ku Aqualectra a hasi progreso importante pa mehorá stabilidat i konfiansa di suministro di koriente na Kòrsou.
E mehorashonnan ta inkluí un sistema di seguridat revisá, instalashon di un sistema pa almasená elektrisidat den bateria, mihó maneho di ret eléktriko i adaptashon di e organisashon tékniko. Segun RAC, e medidanan akí ta kontribuí na un suministro di koriente mas stabil i konfiabel.
E ‘blackout’ di 27 di ougùstùs 2025 tabata resultado di un kombinashon kompleho di sirkunstansianan tékniko. E no tabatin relashon ku e defisiensianan identifiká anteriormente, ku ya a koregí pa gran parti. Aqualectra a implementá medidanan konkreto pa redusí e posibilidat ku un situashon similar ripití.
RAC ta splika ku no ta posibel ekskluí interupshon di koriente kompletamente. Sinembargo, e mehorashonnan ta redusí e riesgo i ta limitá e konsekuensianan. RAC lo sigui supervisá e sektor pa yuda garantisá un suministro di koriente stabil i konfiabel. E rapòrt kompletu ta disponibel riba wèpsait di RAC.
What to read next...
Pago mensual pa un kas por kuminsá for di XCG 550.
