Na Aruba sra. di 84 aña ta e di 9 morto den tráfiko

ORANJESTAD— Un señora di 84 aña di edat a bira e di 9 morto den tráfiko insigur di Aruba. Tabata djadumingu banda di 4:30 di atardi ku sentral di polis a haña notifikashon di un aksidente na Seroe Blanco. Polis ta mustra ku un señora manehando un Ford Fusion koló blanku lo a dal den un pilar di kurá di un kas i ku e lo ta herida.

Sentral di polis a despachá patruya di polis i ambulans pa e sitio. Na yegada di patruya di polis a bin topa ku e señora den e outo.

A stabilisá e víktima i transport’é pa hospital pa e haña asistensia médiko avansá.

Polis di tráfiko a presentá na e sitio pa asina hasi nan investigashon. Djaluna mainta polis di tráfiko a haña informashon di hospital ku lamentablemente e señora a fayesé. Dòkter na hospital a konstatá morto di e señora Olga Denise Lampe nase na Aruba 10 aprel 1942 (84 aña). Kuerpo Polisial Aruba ta manda palabra di kondolensia na famia di e fayecido.

Andruw a yama danki na su mama i spesialmente su tata. Tambe el yama danki na tur yu di Kòrsou ku a dun’é sosten.