Hunta Komisario CBCS a nominá kandidatonan pa presidente i gerensia

WILLEMSTAD – Hunta di Komirasio di Banko Sentral di Kòrsou i Sint Maarten (CBCS) unánimemente a nominá kandidatonan pa e puesto di Presidente di CBCS i pa dos miembro di gerensia. Esaki ta un paso importante den e esfuersonan di gobièrnu di Sint Maarten i Kòrsou pa fortifiká e Banko Sentral i e union monetario.

E nominashonnan a ser konfirmá despues di un kumbre bilateral na Kòrsou, kaminda e gobièrnunan di Sint Maarten i Kòrsou a logra progreso supstansial relashoná ku independensia, gobernashona i futuro stabilidat futuro di CBCS.

Awor e kandidatonan nominá lo keda evaluá kuidadosamente i den forma konhunto pa e ministernan di Finansa di ambos pais promé ku nan hasi e nombramentunan ofisial.

Durante di e kumbre, Minister di Finansa di Kòrsou, Charles Cooper, i Minister di Finansa di Sint Maarten, Marinka Gumbs, a yega na akuerdo riba prinsipionan ku tin komo meta fortifiká di manera sostenibel, e relashonnan di gobernashon den CBCS.

E diskushonnan a tuma lugá den presensia di Promé Minister Dr. Luc Mercelina di Sint Maarten i Promé Minister Gilmar Pisas di Kòrsou, i tambe miembronan di gerensia i di Hunta di Komisario di CBCS. Prof. Dr. Jaap de Winter a fungí komo presidente independiente durante di e kumbre di dos dia.

E reunion a sigui despues di diferensianan di opinion anterior tokante e nombramentu di miembronan di Hunta di Komisario di CBCS. Den e konteksto ei, tur dos minister a enfatisá e importansia kompartí di un Banko Sentral independiente i un union monetario fuerte.

Segun e gobièrnunan, un CBCS independiente ta keda un piedra importante di un union monetario stabil i ta kontribuí na e stabilidat i resistensia di e ekonomianan di Sint Maarten i Kòrsou. Mantene stabilidat di preisnan i un tipo di kambio sólido a keda identifiká komo ophetivonan sentral.

Ademas di e nominashonnan pa Presidente i miembronan di gerensia, e ministernan a pidi Prof. De Winter pa duna konseho riba diferente modelo pa e presidensia di Hunta di Komisario.

Partidonan a bai di akuerdo tambe ku fortifikshon di konfiansa i respet mutuo ta esensial. Pa logra esaki lo mester prosedimentunan kla i transparente, manera tambe akuerdonan na kua tur partido ta komprometé i pa kua nan por tene otro responsabel.

Minister Gumbs tambe lo pidi e e gerensia Hunta di Komisario pa presentá un proposishon pa fortifiká mas tantu ainda e ofisina di CBCS na Sint Maarten.

E ministernan di Finansa a enfatisá ku e progreso realisá lo yuda fortifiká mas ainda e konfiansa den e infrastruktura finansiero komun di Kòrsou i Sint Maarten.